இன்று காலையும் கண்முன் விரிந்த காட்சிகளும்

மழை முன்னறிவிப்பு

பள்ளிகளுக்கு விடுமுறை

பத்து நாட்களாய்

கரு மேகங்களுக்கு

சிறைப்பட்ட சூரியனின்

வருகையால்

பரவிய வெளிச்சம்

காற்று வாக்கில்

போகும் மேகம்

தூவும் மழைச்சாரல்

ரசித்து நனைந்தபடியே

செல்லும் மக்கள்

விளையாடும் சிறுவர்கள்

ஆகா...

குரங்களின் வருகை

குதுகலமாய் சிறுவர்கள்

சிவப்பு முண்டாசு

பொண்டாட்டியுடன்

கடைத்தெரு போகிறார்

ஓட்டமும் நடையுமாய்

அம்மா சொன்ன

வேலை முடித்து

வீடு நோக்கி செல்லும்

சிறுமி

சிந்தனை முகமாய்

முஸ்லீம் பெரியவர்

சைக்கிள் ஓட்டுகிறார்

தலைச்சொரியும்

சட்டையில்லா

துப்புரவு தொழிலாளி

யார் வீட்டு

கொட்டடியில் இருந்து

வெளியேறும்

ஆடுகளும் மாடுகளும்

இன்று காலையும்

கண்முன் விரிந்தகாட்சிகளும்.

கவிஞர் மு.மேத்தாவின் ஆகாயத்திற்கு அடுத்தவீடு

ஒருவருக்கும் தெரியாமல்
ரகசியமாய்
உன்னிடம்  கொண்டுவந்து
சேர்த்துவிடும் என்னை
இந்தக் கடிதம்!

எந்த ஊரில்
இருந்தாலென்ன...
என்கடிதத்தை நீ
தொட்டவுடன்
சிலிர்க்கும் எனக்கு!

எழுத்துக்களைப்
பார்க்கிறாய் நீ
இந்த
எழுத்துக்களின் வழியே
உன்னை
எட்டிப் பார்க்கிறேன் நான்!

காற்று உன் வீட்டுக்
கதவுளை
அசைக்கும்போதெல்லாம்
நினைவுப்படுத்திக் கொள்...
உன் இதயத்தை
அசைக்க நான்
எடுத்த முயற்சிகளை!

ஒவ்வொரு தடவையும்
நீ பார்த்த
பார்வைகளைத்
தொகுத்து வைத்திருக்கிறேன்
ஆல்பமாக

வாரந்தோறும்
வந்துபோகின்றன
ஞாயிற்றுக்கிழமைகள்...
வருவாயா நீ?

பூங்கொத்து வேண்டாம்
வாடாமல் இருக்கும்
உன் வார்த்தைகள்...

புகை வண்டியில் உன்னை
வழியனுப்பும்போது
கேட்பேன்.
“இப்போதாவது
என்னை
என்னிடம் விட்டுச் செல்!”

அவசியம் அனுப்பிவை
உன் திருமண
அழைப்பிதழை...
பாிசு விழுந்தது
யாருக்கென்று
பார்த்துக் கொள்கிறேன்!

இதுவல்ல நேரம்

கரைந்த நிமிடங்களில்

தான்

என்னை தேடுகிறேன்

தவறுகள்

சரி பார்க்கப்படுகிறது

நிகழ்காலம்

விழிப்புணர்வு

அற்று

நாளைய பொழுதுகளில்

திரும்பவும்

சரிப்பார்க்க

கரைந்த நிமிடங்களில்

தான்

என்னை தேடுகிறேன்.

வெறியாட்டு

காதல் வயப்பட்ட பெண் ஒருத்தி, தன் காதலன் தன்னைப் பிரிந்து சென்ற துயரால், கனவில் புலம்பி நனவில் இளைத்தாள். அவள் உடலுக்கு வந்த நோயைக்(பசலை) கண்ட தாய், அவளுக்காகக் கடவுளை வேண்டி, ஒரு பூசாரியை அழைத்து ஆட்டை வெட்டிப் பலி கொடுக்கச் செய்தாள். இதைப் பழந்தமிழ் நூல்களில் "வெறியாட்டு' என்பர்.

இதே தலைப்பில் வடலூர் வள்ளலார் சுவாமிகள் ஒரு பாடலை எழுதியுள்ளார். அப்பாடலில், "இந்தப் பெண் தலைவனிடம் கொண்ட மோகத்தால் வருந்த, மற்றப் பெண்களும் ஊராரும் பழித்துத் தூற்ற, இந்த ஆடு, என்ன பாவம் செய்ததோ? ஏதும் செய்யாத இந்த ஆட்டை வெட்டலாமா? இதனைக் கண்டு மன்மதன் அஞ்சுவானா? (அஞ்சுமா?) இவள் துன்பம் ஆறுமா? இச்செய்தி இவளைக் காதலித்த தலைவனுக்கு எட்டுமா?' என்னும் பொருள் அமைந்துள்ளது. இப்பாடலின் இறுதி இரண்டடிகளில் "பத்தொன்பது மா' (19 மா 5+6+8=19) என்ற எழுத்துகள் வரிசையாக அமைந்துள்ளன. இப்பாட்டில் உள்ள பத்தொன்பது "மா' என்னும் எழுத்துகளை அஞ்சுமா, ஆறுமா, எட்டுமா என்று பிரித்துப் பொருள் கொள்ளுமாறு வள்ளலார் "வெறிவிலக்கு' என்ற துறையில் பாடியுள்ளார்.

இம்மையல் தையல்நைய ஏசூர மாதரும் ஆ

இம்"மை'உமை இம்மைஐயோ என்செய்த(து)-அம்மைதன்

மாமா மா மாமா, மா மாமா மா மாமா, மா

மாமா மா மாமாமா மா.

வள்ளலாரின் சொல்லாட்சித் திறத்தை இப்பாடல் எடுத்துக் காட்டுகிறது. இராமலிங்க அடிகளாரின் திருவருட்பா - தனிப் பாசுரத் தொகையில் இப்பாடல் இடம்பெற்றுள்ளது.

நன்றி - தினமணி

கட்டுபாடு

கட்டுபாடுகளினால்

சிதைந்த வாழ்வு

கட்டுபாடுகளினால்

வளமானது

நோக்கங்கள் தான்

சிதைவும்

வளர்ச்சியும்

உண்டாக்க

கட்டுபாடு இயற்கையாய்….

எறும்பு

சிறுவாய்க்கால்

கரையோரம்

ஊ ர்ந்த எறும்பு

அங்கும் இங்கும்

அலைந்தபடி

தன் இரையைத்தேடி

பெருகெடுத்த நீர்

வாய்க்காலில்

விரைந்துவர

நீருக்குள்

அடித்து செல்லப்பட்ட

எறும்பு

தன் உடம்பை

நீரின் போக்குக்கு

விட

உருண்டு புரண்டு

தனக்கு ஓர்

மர க்கிளையோ

மண் மேடோ  

கிடைக்கும் வரை

தன்போக்கில்…..

சுயம்

உள்ளிழுத்து கொள்கிறேன்

என்சுயம் ஒவ்வாத

நடக்கமுடியாசெயல்களில்

மௌனமாய் விலகுகிறேன்

நீ வாழ்

நானும் வாழ்கிறேன்

எதிர்ப்பதில் வாழ்வா..!?

என் சுயம்

உடைக்கப்படுகிறது

உணர்வுகள்சிதைக்க

எனது வாழ்வில்பூக்களா…

முடியாத நேரங்கள்

நாளை கிடைத்துவிடும்

நம்பிக்கையில்

பொறுக்கிறேன்

சுயம் அழிகிறது

நான்

என்குடும்பம்

என்பிள்ளை என்று

காலங்கள்

நீண்டு கொண்டே யிருக்கிறது

சக்கையாய் வாழ்வும்

நகர்ந்து கொண்டுதானிருக்கிறது.

எதார்த்தம் என்னவோ கடினம் தான்

காலங்கள் மாறுகிறது
சொல்லியபடி செயல்
காலச்சுழற்சியில்
காணாமல் போகும் மாயம்
எதிர்கால கனவுகள்
மெய் அல்லது பொய்
கிடைத்த வாய்ப்புகள்
கொடுக்கும் நம்பிக்கை
நானும் ஒரு
வெற்றியாளனாய்
கடிவாளம் அணியா
குதிரையாய்
எதார்த்தம் என்னவோ
கடினம் தான்
நேற்று தோற்றவை
நாளைய கனவாய்
இன்றைய நாளை
மறந்த.. என் மனதில்

பகலும் இரவும் வரும் போகும்

கேள்வி குறியாய்
எல்லைகளின் பாதுகாவல்
பிய்ந்து போன
வேலிகள்

உடைந்து நிற்கும்
முன்சுவர்
மேற்கூரை இல்லா
தனித்து நிற்கும்
கல்தூண்கள்

சுண்ணம் பெயர்ந்துபோன
சுவர்கள்
புது ஓவியமாய்
மழை துளிகளின் கோடுகள்
உட்புற சுவர்

உட்கார ஆட்கள் இல்லா
சாய்வு நாற்காலிகள்

மௌனம் கலைக்கும்
சிட்டு குருவிகள்
சத்தம்

சுருங்கிய தோலாய்
நடமாடும் உயிர்கள்

பகலும் இரவும்
வரும் போகும்.

அன்புள்ள காதலா அன்புடன் .... 2

எட்டி நிற்கும்
வாலிப கூட்டத்தில்
உன்னை தேடும்
எனது கண்கள்

ஆசைகள் ஆயிரம்
வெளியிடாத
எனது இதயம்

தொடக்கம்
உன்னிடம் இல்லா
எனது காதல்

ஓர் பிறவிகுருடனின்
சித்திர கனவுகளாய்
உன்நினைவுகளோடு

அன்புள்ள காதலா அன்புடன ...

பொங்கி பெருகும்
உனது ஆண்மை
உற்சாக துள்ளல்
உனது விழி
அமைதி
உனது முகம்
இதழ்களில் தவழும்
உன் புன்முறுவல்
நான் ரசிக்க
உன்னில் கண்டவை
சிரிக்க வைத்து
சிரித்து பேசி
நீ செல்ல
உனக்கு தெரியாமல்
உனை பின் தொடரும்
என் இதயம்
என்னில் தானா ...

உனது வெற்றி உனக்கு உரியதே

உனது வெற்றி
உனக்கு உரியதே
எல்லோருக்கும் அல்ல
உன் தனிதன்மை
உனக்கு அமைத்த
வெற்றி
காலங்களால் நீ
வளர்ந்து
சூழ்நிலைகளால்
உரம் ஊட்டபட்டு
கனியும் நேரம்வந்தவுடன்
கிடைத்த வெற்றி
நான் எனும்
அகந்தையினால் அல்ல
ஆணவம் தலைமேல்
உட்காரும்
கவனி
உண்மை தெரியும்
அதுவரை நீ
நீயாக இருப்பாய்
புதுமைகள் மலர
உனை நோக்கு
உண்மையை அரவணை.

பூகம்ப வேதனை

உயிர் அற்ற
சடலங்களுக்கிடையே
உயிர் தப்பிய
குழந்தையின் பசி
சோற்றுக்காய்
தாயை தேடும் கண்கள்
ஆதரவாய் உணவு நீட்டிய
பல கரங்கள்
குழந்தையின் கண்கள்
அன்பான தன்தாயின்
கரங்களை தேடி
வன்முறையாய் பசி
உணவு ஊட்டிய
கைகளில் அடக்கம்
அடங்கிய பசி
குழந்தையின்
அடுத்த தேடலாய்
தன்னோடு விளையாடும்
தம்பி பாப்பாவை நோக்கி
பூமி தாயின்
வினாடி கோபமாய்
குழந்தையின்
நிரந்தர வேதனை.

எல்லாம் நிகழும் எதுவும் நிகழும்

நடப்பது எளிது
எனில்நடந்து விடு
எதற்காக காத்து நிற்கிறாய்
நீ காத்திருக்கும் நேரம்
யார் யாரோ
உன் வழிப்பாதையில்
அவர்களைபின் தொடர்பவனாய் நீ
பின் தொடர்வது எளிது
வழி நடத்துவது கடினம்
பின்னால் திரும்பு
அனுபவங்கள்
உனை அரவணைக்க
முன்னால் பார்
எதிர்காலங்கள் வழியாய்
அந்த கணம்
நீ நடந்தாக வேண்டும்
இல்லையேல் இறந்த காலங்களுக்குள்
சிதைக்க படுவாய்
எதிர்காலம் என்னவோ
பொய் தான்
பொய் தான் உன்வாழ்வு
நட...
வழிபடும் தடைகளை
மெதுவாய் கட...
எல்லாம் நிகழும்
எதுவும் நிகழும்
இது தான் நிகழ
அவசியமில்லை
ஏற்றுக்கொள் எல்லாம்
உனக்கு உரியதே

ஒன்றாய் ஓரே உணர்வாய்

மகிழ்ச்சியை பரவ விடு
இயற்கையை அனுபவி
இயற்கையுடன் ஒன்றினை
நீயும் இயற்கையே ...
உனையே நீ
உண்டு பண்ண
வழி தெரியுமா ?
புதிர் அது
புரிந்து கொள்ள
முயற்சி செய்
புரிய நான் மறைய
நீ தெரிவாய்
இயல்பாய் இருப்பாய்
எதையும் ஏற்றுக்கொள்வாய்
அது இயற்கை
கொண்டுவர தெரிந்ததற்கு
கொண்டு போகவும் தெரியும்
ஆக்கம் வளர்ச்சி
அழிவும்
சுழலும் சக்கரங்கள்
உட்செல்வோம்
அதே வேளையில்
வேறு ஒன்றாய்
வெளிவருவோம்
உள்ளே வெளியே
ஓன்றாய் ஓரே உணர்வாய்

கழுகுகளும் காக்கைகளும்

சிறுபள்ளம்
தேங்கியிருந்த குளத்துநீர்
மீனவர் வலைக்கு
தப்பி வந்த மீன்கள்
வானத்தில் வட்டமிடும்
கழுகளும் காக்கைகளும்
ஓர் கழுகின்
தொடர் முயற்சியில்
அதன் அலகுகளுக்குள்
சிக்கிய மீனின்
உயிர் போராட்டம்
துள்ளலாய்
வலிமைக்கு அடிபணிந்த
மீனின் முயற்சி தோல்வியாய்
வேட்டையாடிய
கழுகின் காலடியில்
மீன்
சுற்றியமர்ந்த கழுகுகள் ஆறு
உணவு தேவை
அருகில் அமர்ந்த காக்கைகள்
ஐந்து
அங்கும் இங்கும் பறந்தமர்ந்த
கழுகின் காலடியில் மீன்
உணவை உற்றுநோக்கும்
பார்வைகளுடன்
சுற்றியமர்ந்த கழுகுகளும்
காக்கைகளும்
உணவு போராட்டம்.

மனது

வேகம் என்னுடையது
வேகத்தின் மையம்
உன்னுடையது
நான்
நினைப்பது நடப்பது
எல்லாம் நீ
உனக்குள்ளே
எனை ஏற்றுக்கொள்
உன்னிடம் கேட்கிறேன்
ஏற்று கொண்டேன்
உறுதிமொழி கூடவே
கொஞ்சம் தயக்கம்
கொஞ்சம் நம்பிக்கை
கொஞ்சம் ஆணவம்
திரும்பவும் உன்னிடம்
எனை ஏற்றுக்கொள்ள
இது இயல்பு
நான் உன்னிலிருந்தே ...
உன்னில்தான் ...

காலம் தவறா போராட்டங்கள்

நினைவுகளுடன்
காலம் தவறா
போராட்டங்கள்
எண்ணங்களின் சுழற்சியில்
என் வாழ்வு
வளர்ந்த விதமாய்
நினைக்கும் எண்ணங்கள்
தற்கால வளர்ச்சியில்
இணைந்து வளர
எடுக்கும் முயற்சிகளில்
எல்லாம்
எண்ண குழப்பம்
எண்ண சுழற்சி
மையம் மட்டும்
ஆடாமல் அசையாமல்
இயக்கமில்லா இயக்கமாய்
முரண்பட்ட எண்ணங்கள்
இன்னமொரு எண்ணகுழப்பமாய்
நினைவுகளுடன் ...

ஏமாற்றம் இயல்பாய்

வேகமாய் சுழன்ற
காற்று
திரண்டிருந்த கருமேகம்
காணாமல் போன மாயம்
தெளிவான வானம்
பெய்யும் மழையென
எதிர்பார்ப்புகள் ஏமாற்றமாய்
தவிர்க்க முடியா நிகழ்வாய்
நினைத்த நினைவுகள்
நிறைவேற்ற போட்ட
திட்டங்கள்
விரைந்தது வந்த
வாழ்வியல் சூழலில்
கனவாய்
நினைவு நினைவாய்
தேங்கி நிற்க
ஆசை நிராசையாய்
ஏமாற்றம் இயல்பாய்
தவிர்க்க முடியா நிகழ்வாய் .

நூல் பிடித்த மனது

தோன்றிய எண்ணங்கள்
நூல் பிடித்த மனது
இருக்கும்நிலை
மறக்கும் இயல்பு
சிறிய சத்தம்
வீட்டுக்குள் வாழும்
தவளை
இரவு பயணம்
முடித்து
திரும்ப வரும்
இடமாய் என் வீடு
ஒரு முறை
இரு முறை
பல முறை
வெளியே கொண்டு
விடுகிறேன்
அதன் போக்கு
மாறாமல் இருப்பிடம்
நோக்கிய
என் வீட்டு பயணம்
தோன்றிய எண்ணங்கள்
நூல் பிடித்த மனது
இருக்கும் நிலை
மறக்கும் இயல்பு.